nashfarmat

“Наш FарМат” гэта:

— каманда з 42 чалавек у 13 гарадах Беларусі;

— сайт nashfarmat.org з аглядам хады кампаніі. За першы месяц працы сайт наведалі 126 чалавек, за другі – 280, за апошнія месяцы аўдыторыя склала каля 400 чалавек і працягвае павялічвацца;

— распаўсюджана тры тысячы інфармацыйных улётак кампаніі;

— стала дзейнічаюць тэматычныя старонкі у LiveJournal, сацыяльных сетках і мікра-блогах.

Па стане на 20 снежня колькасць наведвальнікаў старонак, прысвечаных грамадскай кампаніі “Наш FарМат”, склала: на канале twitter – 61 чалавек, на сайце facebook.com 253 чалавекі ў месяц, на сайце vkontakte.ru – 284 чалавекі ў месяц;

• кампанія аб’яднала блізу 20 гуртоў і выканаўцаў;
• камунікацыя з 23 радыёстанцыямі Беларусі;
• публікацыя маніторынгу – інтэлектуальнага прадукту кампаніі – ў акадэмічных суполках Беларусі, перадача яго ў профільныя міністэствы;
• 1462 подпісы ў падтрымку мэтаў кампаніі.

Мы з аптымізмам глядзім у будучы год і заклікаем далучацца да працы! Наша мэта — беларуская мова на дзяржаўным FM!

Mirrored from  Наш Фармат.

Паважаныя сябры, ініцыятыва “Наш Фармат” шчыра віншуе вас з Калядамі!

Няхай гэтае Сьвята будзе сьветлым і радасным для вас і вашых сем’яў. А надыходзячы Новы год прынясе нам зьдзяйсьненьне нашых мэтаў.

Усяго вам самага найлепшага і дзякуй за вашую падтрымку!
“Наш Фармат”

Mirrored from  Наш Фармат.

Выйшла доўгачаканая складанка праекту «Тузін. Перазагрузка» інтэрнэт-парталу «Тузін Гітоў» і грамадзкай ініцыятывы «Будзьма беларусамі». Дыск складаецца з 12 песень беларускіх, але небеларускамоўных выканаўцаў, якія перасьпявалі свае гіты па-беларуску. Сярод іх — Atlantica, Tanin Jazz, Da Vinci, Дакота, Юры Дземідовіч.

Праца над праектам распачалася ўвесну гэтага году пасьля таго, як сваю згоду перазагрузіцца ў беларускі сьвет далі 12 выканаўцаў — зорак беларускай поп- і альтэрнатыўнай сцэны. Некалькі месяцаў выканаўцы працавалі над беларускімі варыянтамі сваіх песень разам зь вядучымі беларускімі перакладчыкамі.

Read the rest of this entry »

Mirrored from  Наш Фармат.

Cацыялягічная лабараторыя «Новак» і беларускі інстытут стратэгічных дасьледаваньняў правялі дасьледваньне, дзе сярод іншага закраналася пытаньне абазнанасьці беларусаў адносна прадстаўнікоў сучаснага айчыннага шоў-бізу. Звыш тысячы беларусаў рознага ўзросту і сацыяльнага становішча па ўсёй краіне задалі пытаньні адносна іх улюбёных музыкантаў зь Беларусі. «У лідэрах беларускія ансамблі савецкіх часоў, статус беларускамоўных выканаўцаў — маргінальны», — такую выснову зрабіў дырэктар BISS Віталь Сіліцкі.

Read the rest of this entry »

Mirrored from  Наш Фармат.

Як паведамлялася, з-за нежаданьня Міністэрства інфармацыі даць адказ па сутнасьці нашых пытаньняў мы вымушаныя зьвярнуцца ў Савет Міністраў з просьбай аб рэагаваньні. 17 лістапада ад імя намесьніка міністра інфармацыі І. М. Лапцёнка паступіў адказ. (Але па сутнасьці чарговая “адпіска”.)

Зьвяртаюць таксама ўвагу цікавыя акалічнасьці. Ранейшыя “адказы” былі за подпісам нам. міністра А. Слабадчука, але гэтым разам, як бачым, падпісант быў зьменены. А праз два тыдні, 4 сьнежня, быў адпраўлены ў адстаўку міністр інфармацыі Уладзімір Русакевіч. Новым міністрам, аднак, прызначаны Алег Праляскоўскі.

Прыводзім тэкст ліста з Мінінфа: (націсьні на малюнак, каб павялічыць)

Read the rest of this entry »

Mirrored from  Наш Фармат.

Не сакрэт, што на большасьці беларускіх радыёстанцый, што месцяцца ў ФМ-дыяпазоне практычна не гучыць беларускай мовы і песень на роднай мове. Не ўсе хочуць мірыцца з такім становішчам. Грамадская ініцыятыва “Наш фармат” пачала кампанію “За беларускую мову на айчынным ФМ”. Актывісты кампаніі разаслалі ўжо лісты ў рэдакцыі ўсіх беларускіх фм-станцый з просьбай вырашыць пытанне з дыскрымінацыяй беларускай мовы. Цяпер іх намер – сустрэцца з міністрам інфармацыі і міністрам культуры. З адным з ініцыятараў кампаніі Міхалам Нядзьвецкім пагутарыў наш карэспандэнт Сяргей Будкін:

Радыё Рацыя – гутарка з Міхалам Нядзьвецкім / “Наш фармат”

Mirrored from  Наш Фармат.

На сайце зьявіўся разьдзел з практычнымі парадамі “Як дапамагчы кампаніі?”.

“Наш Фармат” будзе бязьмежна ўдзячны вам за ўдзел!

Mirrored from  Наш Фармат.

Пачынаецца збор подпісаў у патрымку патрабаванняў грамадскай кампаніі “Наш Фармат”. Мэтай звароту грамадзянаў з’яляецца вырашэнне пытання дыскрымінацыі беларускай мовы на айчынным радыё і распрацоўка дзейсных механізмаў раз’віцця радыёвяшчання на нацыянальнай мове.

Бланк звароту (у фармаце .pdf) можна загрузіць па спасылцы і раздрукаваць, а сабраныя подпісы даслаць на адрас “Нашага Фармату”: 220007, г. Мінск, а/с 48.

Mirrored from  Наш Фармат.

Паважаныя сябры, калі ласка, дапамажыце нам данесьці інфармацыю пра мэты і дзеяньні грамадскай кампаніі “Наш Фармат”, раздрукаваўшы і распаўсюдзіўшы нашую ўлётку.

Узор дадаецца: улётка кампаніі “Наш Фармат” у .pdf, у .cdr.

Mirrored from  Наш Фармат.

Паколькі атрымаць адказы на пастаўленыя пытаньні ад Міністэрства інфармацыі так і не атрымалася, кампаніяй “Наш Фармат” было прынята рашэньне зьвярнуцца ў Савет Міністраў Рэспублікі Беларусь з просьбай абавязаць Мінінфа ў адпаведнасьці з заканадаўствам прадставіць адказ па сутнасьці.

Прыводзім тэкст ліста ў Савет Міністраў: (націсьні на малюнак, каб павялічыць)

Read the rest of this entry »

Mirrored from  Наш Фармат.